ଲଗାମଛଡା ଡ୍ୟାନ୍ସବାର, ହାତଗୁଞ୍ଜା ନେଇ ଘଣ୍ଟ ଘୋଡାଉଛି ପୁଲିସ, ଉପଯୁକ୍ତ କାର୍ଯ୍ୟାନୁଷ୍ଠାନ କେବେ?

ଲଗାମଛଡା ଡ୍ୟାନ୍ସବାର, ହାତଗୁଞ୍ଜା ନେଇ ଘଣ୍ଟ ଘୋଡାଉଛି ପୁଲିସ, ଉପଯୁକ୍ତ କାର୍ଯ୍ୟାନୁଷ୍ଠାନ କେବେ?
ଲଗାମଛଡା ଡ୍ୟାନ୍ସବାର, ହାତଗୁଞ୍ଜା ନେଇ ଘଣ୍ଟ ଘୋଡାଉଛି ପୁଲିସ, ଉପଯୁକ୍ତ କାର୍ଯ୍ୟାନୁଷ୍ଠାନ କେବେ?
ଭୁବନେଶ୍ୱର: ରାଜଧାନୀରେ ଦିନକୁ ଦିନ ଛତୁଫୁଟିଲା ଭଳି ଡ୍ୟାନ୍ସବାର ଖୋଲୁଛି । ମଦ ସାଙ୍ଗକୁ ସୁନ୍ଧରୀ ତରୁଣୀଙ୍କୁ ଆଣି ମଧ୍ୟ ଏସବୁ ବାରଗୁଡିକରେ ନଚାଯାଉଛି । ଯାହା ଗ୍ରାହକଙ୍କ ପାଇଁ ଭାରପୁର ମନୋରଞ୍ଜନ ଯୋଗାଇ ଦଉଛି । ଖାଲି ଏତିକି ନୁହେଁ ଡ୍ୟାନ୍ସବାର ସମୟ ସରିବା ପରେ ସୁନ୍ଧରୀ ତରୁଣୀଙ୍କୁ ଦେହ ବେପାରରେ ଲଗାଯାଉଥିବା ମଧ୍ୟ ଚର୍ଚ୍ଚା ଜୋର ଧରିଛି । ଆଉ ଏଥିରେ ଯୁବତୀଙ୍କ ସହ ଦଲାଲମାନେ ମୋଟା ଅଙ୍କର ଟଙ୍କା ରୋଜଗାର କରୁଥିବା ଜଣାପଡିଛି । ହେଲେ ଜଦି କେହି ଡ୍ୟାନ୍ସବାରକୁ ନେଇ ସ୍ୱର ଉଠାଉଛି ତାହାଲେ ବାର ମାଲିକ ଓ ସେମାନଙ୍କ ବାହୁବଳି ସହଯୋଗୀଙ୍କ ଧମକଚମକରୁ କେହି ବର୍ତ୍ତୁ ନାହାନ୍ତି । ଅନ୍ୟ ଅର୍ଥରେ କହିବାକୁ ଗଲେ ଲଗାମଛଡା ହୋଇଯାଇଛି ଏହି ଡ୍ୟାନ୍ସବାର ।
ଲଗାମଛଡା ଡ୍ୟାନ୍ସବାର, ହାତଗୁଞ୍ଜା ନେଇ ଘଣ୍ଟ ଘୋଡାଉଛି ପୁଲିସ, ଉପଯୁକ୍ତ କାର୍ଯ୍ୟାନୁଷ୍ଠାନ କେବେ?
ବିଳମ୍ବିତ ରାତି ପର୍ଯ୍ୟନ୍ତ ଏହି ବାର ଗୁଡିକରେ ମଦ ଓ ଯୁବତୀ ଧନ୍ଧା ହେଉଥିବାରୁ ନିକଟ ଅତିତରେ ବହୁବାର ବିଶୃଙ୍ଖଳା ମଧ୍ୟ ଉପୁଜିଥିବା ଦେଖାଦେଇଛି । ଆମେ ଏଠି କହି ରଖୁଛୁ ଯେ, ରାଜଧାନୀରେ ବାର ଖୋଲିବା ବେଆଇନ ନୁହେଁ । ହେଲେ ଏହି ବାରଗୁଡିକରେ ସୁନ୍ଦରୀ ତରୁଣୀଙ୍କୁ ନଚାଇବା ଓ ତାହା ପୁଣି ଅର୍ଦ୍ଧନଗ୍ନ ବେଶରେ ଏହା ବେଆଇନ । ଏମିତି ଡ୍ୟାନ୍ସବାର ରାଜଧାନୀରେ ୪୦ରୁ ଅଧିକ ଚାଲିଆସୁଥିବା ଶୁଣିବାକୁ ମିଳିଛି । ଖାଲି କଟକ ରୋଡରେ ୨୦ରୁ ଅଧିକ ଡ୍ୟାନ୍ସବାର ଥିବା ଜଣାପଡିଛି । ଯେଉଁଠି ବିଳମ୍ବିତ ରାତି ପର୍ଯ୍ୟନ୍ତ ସୁନ୍ଦରୀ ଯୁବତୀମାନଙ୍କୁ ନଚା ଯାଉଛି । ନିଶା ସେବନ କଥା ତ କହିଲେ ନସରେ ।
ଲଗାମଛଡା ଡ୍ୟାନ୍ସବାର, ହାତଗୁଞ୍ଜା ନେଇ ଘଣ୍ଟ ଘୋଡାଉଛି ପୁଲିସ, ଉପଯୁକ୍ତ କାର୍ଯ୍ୟାନୁଷ୍ଠାନ କେବେ?
ବାର ପକ୍ଷରୁ ଆଇନ ଉଲଙ୍ଘନ ହେଉଥିଲେ ମଧ୍ୟ ଅବକାରୀ ବିଭାଗ ଓ କମିଶନରେଟ ପୁଲିସ ପକ୍ଷରୁ କୌଣସି ଆଖିଦୁର୍ଷିୟା ପଦକ୍ଷପ ନିଆଯାଇ ନାହିଁ । ବାରଗୁଡିକରେ ସୁନ୍ଦରୀ ତରୁଣୀଙ୍କୁ ନଚା ଯାଉଥିବା ବେଳେ ପୁଲିସ ହାତଗୁଞ୍ଜା ନେଇ ଏସବୁକୁ ଘଣ୍ଟ ଘୋଡାଉଥିବା ବୁଦ୍ଧିଜୀବୀମାନେ ମତ ରଖିଛନ୍ତି । ଯଦି କୌଣସି ସାମ୍ବାଦିକ ସ୍ୱର ଉଠାଉଛି ତାଙ୍କୁ ବାରମାଲିକ ଓ ତାଙ୍କ ସହଯୋଗୀ ଧମକଚମକ ଦେଉଥିବା ଅଭିଯୋଗ ଆସିଛି । ହେଲେ ଏତେସବୁ ପରେ ମଧ୍ୟ ପୁଲିସ କାଁଭାଁ ଚଢ଼ଉ କରି ଚୁପ ବସିପଡୁଛି । ଭୁବନେଶ୍ୱରରେ ଖାରବେଳନଗରରେ ଥିବା ସୋଲାନ ଇନ୍ ଡ୍ୟାନ୍ସବାରକୁ ସିଲ କରିବା ଛଡା ଅନ୍ୟ ସବୁ ଡ୍ୟାନ୍ସବାର ଖୁଲମଖୁଲା ପୁଲିସ ଜଣାତରେ ଚାଲିଛି । ତେଣୁ ଯଥାଶୀଘ୍ର ବେଆଇନ ଭାବେ ଚାଲୁଥିବା ଡ୍ୟାନ୍ସବାର ଉପରେ ପୁଲିସ କମିଶନର ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସାଧାରଣରେ ଦାବି ହୋଇଛି ।

Share this story

World Odia Language Conferene