ତିନି ବର୍ଷ ତଳେ ସଡ଼କ ଦୁର୍ଘଟଣାରେ ମରିଯାଇଥିବା ସ୍ୱାମୀଙ୍କ ମୃତ୍ୟୁ ପରେ ମାତୃତ୍ୱ ଲାଭ କଲେ ବିଧବା ପତ୍ନୀ, ଜାଣନ୍ତୁ କେମିତି ହେଲା ସମ୍ଭବ…

ମୁମ୍ବାଇ: ପରିବାରରେ ସନ୍ତାନଟିଏ ଜନ୍ମ ନେଲେ ଖୁସିର ଲହରୀ ଖେଳିଯାଇଥାଏ । କିନ୍ତୁ ଜଣେ ବିଧବା ମା’ ଯଦି ସନ୍ତାନକୁ ଜନ୍ମ ଦିଆନ୍ତି ତାହାଲେ ଦୁନିଆରେ ଏହାଠାରୁ ଅଧିକ ଖୁସି କାହାକୁ ମିଳିନପାରେ । ଏମିତି ଏକ ଘଟଣା ମୁମ୍ବାଇରେ ଘଟିଛି ଯାହା ଆପଣ ଶୁଣିଲେ ଆଶ୍ଚର୍ଯ୍ୟଚକିତ ହେବେ । ଜଣେ ମାର୍କେଟିଂ କଂସଲଣ୍ଟେଟଙ୍କର ସଡ଼କ ଦୁର୍ଘଟଣାରେ ତିନି ବର୍ଷ ତଳେ ଦେହାନ୍ତ ହୋଇଥିଲା । ହେଲେ ତିନି ବର୍ଷ ପରେ ବିଧବା ପତ୍ନୀ  ମାତୃତ୍ୱ ଲାଭ କରିଛନ୍ତି ।

ଜସଲୋକ ହସ୍ପିଟାଲରେ ମହିଳା ଜଣଙ୍କ ସନ୍ତାନର ଜନନୀ ହୋଇଛନ୍ତି, ଯାହା ସେମାନଙ୍କ ଭଲ ପାଇବା, ଅପେକ୍ଷା ଓ ବିଜ୍ଞାନର ପ୍ରୟୋଗ ଯୋଗୁ ଏହା ସମ୍ଭବ ହୋଇ ପାରିଥିବା ବିଶ୍ୱାସ କରାଯାଉଛି । ସନ୍ତାନ ପ୍ରପ୍ତି ପରେ ତାଙ୍କ ଜୀବନରେ ପୁଣି ଖୁସିର ଲହରୀ ଖେଳି ଯାଇଛି ଓ ପରିବାର ବର୍ଗ ଏହି ଖୁସିର ଉତ୍ସବକୁ ଧୁମଧାମରେ ପାଳନ କରିଛନ୍ତି । ଖାଲି ଏତିକି ନୁହେଁ ସ୍ୱାମୀ ଚାଲିଯିବା ପରେ ଯେମିତି ତାଙ୍କର ପୁନର୍ଜନ୍ମ ହୋଇଥିବା ପତ୍ନୀ ଜଣାଇଛନ୍ତି ।

ଏହି ଚମକ୍ରାର ତେବେ ଆରମ୍ଭ ହେଲା ଯେବେ ଅଗଷ୍ଟ ୨୦୧୫ରେ ବେଙ୍ଗାଲୁରୁରେ କାମ କରୁଥିବା ୩୦ ବର୍ଷୀୟ ଦମ୍ପତ୍ତି ସୁପ୍ରିୟା ଜେନ ଓ ଗୌରବ ଦୁହେଁ ମିଶି ଜୀବନ ଯିଇବା ପାଇଁ ଶପଥ ନେଇଥିଲେ । ବିବାହର ୫ବର୍ଷ ପରେ ଯେବେ ଦମ୍ପତ୍ତିଙ୍କ ପିଲାପିଲି ହେଲା ନାହିଁ ତେବେ ଦୁଇ ଜଣ ଆଇଭିଏଫ୍ କୌଶଳର ସାହାରା ନେଇଥିଲେ । ହେଲେ ସେମାନଙ୍କ ଭାଗ୍ୟରେ ଦୁଃଖ ହିଁ ଦୁଃଖ ଲେଖାଥିଲା । କିଛି ଦିନ ପରେ ସ୍ୱାମୀ ଗୌରବଙ୍କ ଏକ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଗଲା ।

ସ୍ୱାମୀ ଚାଲିଯିବା ପରେ ପତ୍ନୀ ପୁରାପୁରି ଭାଙ୍ଗିପଡିଥିଲେ । ଡର ଓ ନୀରବପୂର୍ଣ୍ଣ ଜୀବନ ବିତାଉଥିଲେ ସୁପ୍ରିୟା । ଗୌରବ ମୃତ୍ୟୁ ପୁର୍ବରୁ ପରିବାରକୁ କଥା ଦେଇଥିଲେ ଯେ ତାଙ୍କର ଆଗାମୀ ବଶଂଧର ଖୁବ ଶୀଘ୍ର ଆସିବାକୁ ଯାଉଛି । କିନ୍ତୁ ସ୍ୱପ୍ନ ଅଧୁରା ରହିଗଲା ଗୌରବଙ୍କ ମୃତ୍ୟୁ ପରେ । ତାଙ୍କ ଶେଷ ଇଚ୍ଛାକୁ ପୂରଣ କରିବା ପାଇଁ ସୁପ୍ରୀୟା ଡାକ୍ତର ଫିରୁଜା ପାରେଖ୍ ଙ୍କ ସହାୟତାରେ ନିଜର ଆଗାମୀ ବଶଂଧରର ଯୋଜନା କରିଥିଲେ । ଚିକିତ୍ସା ଏତେ ସହଜ ଓ ସରଳ ନଥିଲା କିନ୍ତୁ ଅତ୍ୟାଧୁନିକ ଚିକିତ୍ସା ଫଳରେ ସାଇତା ଯାଇଥିବା ଶୁକ୍ରାଣୁକୁ ବ୍ୟବହାର କରି ଓ ସରୋଗେସୀ ମାତୃତ୍ୱର ସହାୟତା ନେଇ ସେ ଆଜି ମାତୃତ୍ୱ ଲାଭ କରିପାରିଛନ୍ତି ଓ ଗୌରବଙ୍କର ଅଧୁରା ସ୍ୱପ୍ନକୁ ପୂରଣ କରିଛନ୍ତି ।