ଅଭିନୟ ଛାଡିବେ ଅମୀର ଖାନ, ଜାଣନ୍ତୁ ସେ କଣ କହିଲେ…

ଅମୀର ଖାନ ବର୍ତ୍ତମାନ ନୂଆ ଏକ୍ସପେରିମେଂଟ ନିଶାରେ ଲାଗିଛନ୍ତି । ବଲିଓଡ଼ ଇଣ୍ଡଷ୍ଟ୍ରିରେ ମିଷ୍ଟର ପରଫେକସନିଷ୍ଟ ଭାବରେ ବେଶ ଭଲ ଭାବରେ ଜଣାଶୁଣା ସେ । ଅଭିନୟକୁ ନେଇ ତାଙ୍କ ପ୍ୟାସନ କିଛି ନୂଆ ନୁହଁ । କେତେବେଳେ ବ୍ରିଟିଶ ଇଣ୍ଡିଆର ଠକ ହୋଇ ନଜରକୁ ଆସୁଛନ୍ତି ତ କେତେବେଳେ ଆଇକନିକ ଫରେଷ୍ଟ ଗାମ୍ଫର ହିନ୍ଦୀ ଭର୍ସନ କରିବେ ବୋଲି ଚର୍ଚ୍ଚାରେ ରହିଛନ୍ତି ।

ପ୍ରାୟ ଏକ ଦସନ୍ଦି ଆଗରୁ ସେ ପ୍ରମାଣ କରିଦେଇଛନ୍ତି ଯେ ସେ ଅନ୍ୟ ଧାରାର ଫିଲ୍ମର ନିର୍ମାଣ କରିପାରିବେ ବୋଲି । କିନ୍ତୁ ‘ତରେ ଜମିନ ପର’ ପରେ ତାଙ୍କୁ ଆଉ ନିର୍ଦେଶନା କ୍ଷେତ୍ରରେ ଆଉ ଦେଖିବାକୁ ମିଳି ନଥିଲା । ନିର୍ଦେଶନାରେ ବହୁତ ପ୍ରଶଂସା ସାଉଁଟିବା ପରେ ସେ କହିଥିଲେ ଯେ ସେ ପରିସ୍ଥିତିରେ ପଡି ନିର୍ଦେଶନା ଦେଇଥିଲେ ।

ଏମିତି ଏକ ପ୍ରଶ୍ନ ଉତ୍ତର କାର୍ଯ୍ୟକ୍ରମରେ ସେ କହିଛନ୍ତି, “ଅଭିନୟ ଓ ନିର୍ଦେଶନା ଦୁଇଟି ପ୍ରତି ତାଙ୍କର ଆଗ୍ରହ ଅଛି । ଦୁଇଟି ମଧ୍ୟରେ ସେ କୌଣସି ପାର୍ଥକ୍ୟ ଦେଖନ୍ତି ନାହିଁ । କିନ୍ତୁ ଦୁଇଟିଯାକ କାମ ଏକ ସମୟରେ ସେ କରିପାରିବେ ନାହିଁ । ଯଦି ସେ ନିର୍ଦେଶନା ଦେବେ ତାହାଲେ ତାଙ୍କୁ ଅଭିନୟ ଛାଡିବାକୁ ପଡିବ ।” ତେବେ ସେ ସମୟ ଆସିବାକୁ ଆଉ କିଛି ବର୍ଷ ବାକି ଅଛି । ଅଭିନୟରେ ଶତ ପ୍ରତିଶତ ନିଜର ଦେଇ ସରିଲା ପରେ ସେ ନିର୍ଦେଶନା କ୍ଷେତ୍ରରେ ପାଦ ରଖିବେ ।